Расейскія войскі ўдзень 24 сакавіка нанеслі ракетны ўдар па ўкраінскім горадзе Сумы. У выніку былі пашкоджаныя некалькі шматпавярховак і школа, пацярпелі 74 чалавекі.
«Вораг нанёс ракетны ўдар па цэнтры гораду. Пацярпела некалькі шматпавярховак, школа... Дзеці знаходзіліся ў ахоўным будынку, цяпер іх эвакуююць, усе жывыя-здаровыя», – сказаў Уладзімір Арцюх, начальнік Сумскай абласной вайсковай адміністрацыі.
Сумская гарадская рада паведаміла, што паводле інфармацыі ўпраўлення аховы здароўя, вядома пра 74 пацярпелых, сярод якіх 13 дзяцей.
В.а. мэра Сумаў Арцём Кобзар расказаў, што расейскія войскі атакавалі прамысловы аб’ект. У выніку ўдару пацярпелі жылыя шматпавярховікі, дзіцячыя ўстановы і лякарня. У Сумскай абласной пракуратуры адзначылі, што ўдар быў нанесены па «густанаселеным жылым квартале».
Якуб Хруст belsat.eu
