У Беларусі 25 сакавіка рыхтуюцца абмежаванні працы інтэрнэту і руху транспарту. Відаць, гэта прымеркавана да Дня Волі і прызначанай інаўгурацыі Аляксандра Лукашэнкі.
Як адзначае «Deutsche Welle» са спасылкаю на «Hoster.by», беларускія сайты будуць недаступныя з-за мяжы з 19:00 24 сакавіка і да 23:59 25 сакавіка. Як заяўляецца, гэта адбудзецца «паводле распараджэння рэгулятара». Аналагічныя абмежаванні ўжо дзеялі падчас «выбараў» 26 студзеня.
Таксама ў ДАІ заявілі, што 25 сакавіка з 11:00 да 13:30 «у сувязі з правядзеннем мерапрыемстваў у цэнтральнай частцы гораду на асобных участках праспекту Незалежнасці і праспекту Пераможцаў будзе ўводзіцца кароткачасовае абмежаванне руху ўсіх відаў транспарту, у тым ліку грамадскага».
Тэлеканал СТВ паведамляе, што цырымонія інаўгурацыі Аляксандра Лукашэнкі пачнецца 25 сакавіка апоўдні. Аб 11:45 картэж у суправаджэнні эскорту з дзевяці матацыклістаў пачне рух праспектам Незалежнасці. Па галоўных вуліцах гораду ён праедзе 13 кіламетраў. Адначасова будзе весціся онлайн-трансляцыя на ўсіх дзяржаўных тэлеканалах. Пасля адбудзецца сама цырымонія з удзелам 1100 гасцей і роты ганаровага каравулу. Мінулая інаўгурацыя была таемнай. Яе правядзенне загадзя не анансавалася.
Якуб Хруст belsat.eu
