Як пачаць суботнюю раніцу з пазітывам і цікавымі адкрыццямі? Уключайце «Раніцу з «Белсатам» у суботу а 9:00. Паразмаўляем пра здароўе, культуру, цікавыя гістарычныя факты і жыццё беларусаў за мяжой.
Ці варта рабіць прышчэпку ад віруса папіломы чалавека? На гэтае пытанне адкажа доктар Станіслаў Салавей.
Таксама разгледзім адзін з найпрыгажэйшых беларускіх строяў – калінкавіцкі – і высветлім, чым ён адметны.
Зазірнем у жыццё беларускага таксіста ў Польшчы і паслухаем ягоныя гісторыі. А яшчэ натхнімся энергіяй пенсіянеркі-блогеркі Аляксандры Ханевіч, упэўненай, што жыццё пасля шасцідзесяці толькі пачынаецца!
Акторка Дар’я Новік раскажа, як праца з голасам можа змяніць чалавека і даць яму больш упэўненасці. Пагартаем разам старонкі ўнікальнага беларускага календара, які ствараўся 30 гадоў, і даведаемся, якія падзеі звязаныя з сённяшнім днём. А каманда «Вусоў Скарыны» правядзе нас праз цікавыя культурныя знаходкі.
Далучайцеся да эфіру і сустракайце «Раніцу з «Белсатам»!
