Фонд «Тутака» прэзентаваў праграму святкавання Дня Волі ў Беластоку. Урачыстасці пачнуцца ў нядзелю 23 сакавіка і працягнуцца да серады 26-га.
23 сакавіка (нядзеля)
10:00, царква Святога апостала Іаана Багаслова, вул. Zbigniewa Herberta 1. Літургія і пасля малітва за беларускі народ.
14:00, прэм'ера спектаклю «ВІЦЯ» з нагоды 100-гадовага юбілею з дня нараджэння беларускага паэта Віктара Шведа, камерная зала Падляскай оперы і філармоніі, вул. Odeska 1. Квіткі – у касе оперы.
15:30, мітынг-канцэрт на плошчы каля рэстарану «Żubrowisko», вул. Rynek Kościuszki 10. На канцэрце выступяць рок-музыка Лявон Вольскі і клуб гістарычнай рэканструкцыі «Invictus 1863». Вядоўца – Кацярына Ваданосава.
25 сакавіка (аўторак)
16:30, сімвалічны забег з нагоды Дня Волі ў парку Канстытуцыі 3 траўня. Удзел у забегу бясплатны, але дзеіць ліміт – 50 асобаў. Да ўдзелу дапускаюцца поўнагадовыя асобы. Усе на фінішы атрымаюць памятны медаль. У бегу ёсць дзве трасы: 1,5 км і 5 км. Ахвочыя могуць прайсці маршрут пешшу. Каб зарэгістравацца на забег, трэба запоўніць форму. Апошні дзень рэгістрацыі – 20 сакавіка.
18:30, святочны канцэрт з нагоды дня абвяшчэння незалежнасці Беларусі 25 сакавіка 1918 года «Беларускія маршы і гімны. Лірыка барацьбы» ў выкананні міжнароднага мужчынскага хору «Unia» з Вільні. Бясплатныя ўваходныя квіткі даступныя пад адрасам biuro@ckb.bialystok.pl і ў Цэнтры беларускай культуры на вул. Kilińskiego 16/207, з панядзелка да пятніцы з 9:00 да 15:00. Месца правядзення канцэрту – канцэртавая зала комплексу музычных школаў, вул. Podleśna 2.
26 сакавіка (серада)
18:00, канцэрт гурта «NaviBand» на знак салідарнасці з беларускім народам, а таксама падзякі жыхарам, грамадскім арганізацыям і ўладам Беластоку за адкрытасць і падтрыманне, вул. Warszawska 34, даходы ад продажу квіткоў ідуць на арганізацыю канцэрту.
З імпрэзамі ў іншых мясцінах па ўсім свеце можна азнаёміцца тут.
Якуб Хруст belsat.eu
