15 сакавіка ў Кіеве прайшло развітанне з «каліноўцам» з пазыўным «Лыч», паведаміла прэс-служба палка Каліноўскага.
«Лыч» – 22-гадовы Аляксандр Серада, ураджэнец Хойнікаў, распавяла «Наша Ніва». Маладзён загінуў падчас выканання баявога задання на поўдні Украіны ў пачатку сакавіка 2025 года.
9 сакавіка 2022 года з беларускіх добраахвотнікаў быў сфармаваны батальён імя Кастуся Каліноўскага. У траўні 2022 года батальён быў перафармаваны ў полк.
На сёння, паводле розных ацэнак, колькасць беларусаў, якія загінулі ў баях за Украіну, можа даходзіць да 70 асобаў. Ва ўмовах рэпрэсіяў, якія пагражаюць на радзіме сваякам, імёны шмат каго з іх невядомыя, як і абставіны смерці.
Марыя Міхалевіч belsat.eu
