Цягам шасці месяцаў спецпадраздзяленні ўнутраных войскаў Беларусі затрымалі ў зоне вакол БелАЭС каля 350 парушальнікаў, паведаміў намеснік міністра ўнутраных справаў – камандзір унутраных войскаў Мікалай Карпянкоў.
Карпянкоў апавёў, што вакол БелАЭС была створаная зона з асаблівым прававым рэжымам, дзе нельга перабываць без адмысловага дазволу. Менавіта на гэтай тэрыторыі затрымалі 350 чалавек. Ці пакаралі іх і як, намеснік міністра не ўдакладніў.
Таксама кіраўнік унутраных войскаў зазначыў, што для аховы Астравецкай АЭС было створанае падраздзяленне спецыяльнага прызначэння і ўсталяваная сістэма абароны ад беспілотнікаў.
Марыя Міхалевіч belsat.eu
