Апублікаваны поўны спіс твораў – намінантаў на прэмію імя Францішка Багушэвіча – 2024

Сёлета на прэмію намінаваліся не толькі кнігі, але і артыкулы, падкасты, відэа / відэацыклы, кіно ды іншыя формы. Журы разгледзела ўсе дасланыя заяўкі і пастанавіла, што крытэрам і мэтам прэміі адпавядаюць наступныя 8 кніг і 9 твораў іншых мастацкіх формаў.

Кнігі:

1.   «Мое баба – діректор морга» – Вольга Аполька (Голя з Ополя) (самвыд, 2024 год);

2.   «Кніга могілак. Беларускія пахаванні ў свеце» – Наталля Гардзіенка, Лявон Юрэвіч (фонд «Kamunikat.org», 2024 год);

3.   «Занзібар. Сталенне маладой душы» – Сяргей Дубавец (выдавецтва «Вясна», 2024 год);

4.   «Стагоддзе НН» – Сяргей Дубавец (выдавецтва «Вясна», 2024 год);

5.   «Экспэдыцыя Вацлава Ластоўкага 1928 года. Захаваная спадчына» – Вольга Лабачэўская (выдавецтвы «Skaryna Press» і «Czabor Publishing», 2024 год);

6.   «Дарога 360» – Падарожны 1, Падарожны 2, Падарожны 3, Падарожны 4 (зашыфраваны ўдзел, сапраўдныя звесткі пра кнігу і аўтараў не абвяшчаюцца публічна);

7.   «Савецкая Беларусь» – Ганна Севярынец (выдавецтва «Czabor Publishing», 2024 год);

8.   «Развітанне з Бацькаўшчынай» – Святлана Захарчук (зашыфраваны ўдзел, сапраўдныя звесткі пра кнігу і аўтараў не абвяшчаюцца публічна).

Артыкул у медыя, падкаст, кіно, відэа/відэацыкл, іншае:

1.   Тэлевізійны праект «Белсат» «Вусы Скарыны» – аўтар і вядоўца праекту Цімафей Акудовіч;

2.   «Цікавы падкаст» – аўтаркі і вядоўцы падкасту Любоў Вераніцына і Надзея Равінская (зашыфраваны ўдзел, сапраўдныя звесткі аб праекце не абвяшчаюцца публічна);

3.   Тэлевізійны праект «Белсат» «Нітка Зорка. Майстэрня Кацярыны Ваданосавай» – аўтарка і вядоўца праекту Кацярына Ваданосава;

4.   Падкаст «Чарцяжы свабоды» («Чертежи свободы») 1-ы сезон – аўтаркі і вядоўцы падкасту Кацярына Дзяйкала і Кацярына Кузняцова;

5.   Youtube-праект «Гэта топ!» – аўтары праекту Аляксандр Івулін, Рыгор Астапеня;

6.   Youtube-праект «Загляне сонца» – аўтар праекту Мікіта Мелказёраў;

7.   Мультымедыйны праект «POKUĆ» – аўтарка Надзея Саяпіна;

8.   Артыкулы для «Litradio» з цыклу «Аргентынскі пасьянс»: «Частка I. Рэканструкцыя Фларыяна», «Частка II. Дзве полькі ў Карлас Пас» – аўтарка Ганна Янкута;

9.   Цыкл youtube-лекцыяў «Беларусь як тэкст» – аўтарства каманды онлайн-часопісу «Taubin».

Прэмія імя Францішка Багушэвіча была заснаваная ў 1996 годзе. Яна ўручаецца за творы, што адлюстроўваюць гісторыю, культуру і духоўную спадчыну Беларусі.

Беларускі ПЭН абяцае неўзабаве абвясціць шорт-ліст, а потым і лаўрэатаў прэміі.

Марыя Міхалевіч belsat.eu