Вясновае пацяпленне стала непрыемным сюрпрызам для рыбакоў, якія выбраліся на падлёдную лоўлю на Вілейскае вадасховішча.
Лёд разарвала літаральна за секунды, пакінуўшы на крыгах 18 чалавек. У МНС паступіла паведамленне, што патрабуецца дапамога людзям на лёдзе каля вёскі Касута. Да іх прыбыцця рыбакоў на бераг дастаўлялі работнікі АСВОД, выкарыстоўваючы аэралодку.
Ратавальнікі настойліва просяць рыбакоў не выходзіць на лёд. Тым больш, што заўтра, 7 сакавіка, у Беларусі чакаецца да +10…+16°С, а па поўдні Беларусі паветра ўвогуле прагрэецца да +18°С.
Надзея Вольная belsat.eu
