Прэм’ер-міністр Польшчы Дональд Туск, які прыбыў у Брусель на саміт у пытаннях Украіны, назваў абарону ўсходняй мяжы Еўразвязу адной з прыярытэтных задачаў.
У Бруселі Дональд Туск адзначыў, што мае намер узняць пытанне пра павелічэнне прысутнасці войскаў ЕЗ і NATO на ўсходніх межах.
«Каб сапраўды гарантаваць бяспеку камусьці, спачатку трэба забяспечыць яе сабе. Неабходна ўмацаваць абарону еўрапейскіх межаў, асабліва з Расеяй і Беларуссю, а таксама гарантаваць бяспеку марской, паветранай і кіберпрасторы. Толькі тады мы зможам забяспечыць больш якасную і эфектыўную дапамогу Украіне», – выказаўся Туск.
Нагадаем, 6 сакавіка ў Бруселі праходзіць экстранны саміт Еўрапейскага Звязу, прысвечаны Украіне. Галоўныя тэмы перамоваў – тэрміновае і доўгатэрміновае падтрыманне Украіны ў новым кантэксце, а таксама новы падыход ЕЗ да еўрапейскай абароны.
Надзея Вольная belsat.eu
