Нямецкая паліцыя праверыла аўтобус, што ехаў у Брусель. Сярод пасажыраў быў беларус, у якога знайшлі забаронены пярцовы балончык, паведамляе presseportal.
Паліцыя спыніла рэйсавы аўтобус на кантрольна-прапускным пункце ў Гарліцах на польска-нямецкай мяжы. Падчас правярання дакументаў высветлілася, што адзін з пасажыраў, беларус, ужо некалі прыцягваўся да адказнасці за крадзеж з выкарыстаннем зброі. Паліцыянты ўважлівей агледзелі мужчыну і знайшлі ў ягонай паясной торбе забаронены пярцовы балончык.
Беларус не змог адказаць на пытанне пра мэту сваёй паездкі і, паводле паліцыі, заблытаўся ў «сур’ёзных супярэчнасцях». У яго таксама не было пры сабе грошай на вандроўку.
Паліцыя зняла беларуса з аўтобуса і вярнула ў Польшчу.
Марыя Міхалевіч belsat.eu
