навіны

«Адчуваю – штосьці цёмнае насоўваецца на нас». Святлана Алексіевіч – пра будучыню Беларусі

Святлана Алексіевіч
Святлана Алексіевіч. Фота: Белсат
podpis źródła zdjęcia

Беларуская пісьменніца, нобэлеўская лаўрэатка Святлана Алексіевіч у эксклюзіўным каментары «Белсату» падзялілася сваімі думкамі наконт вызвалення палітвязняў і будучыні Беларусі ў сувязі з сітуацыяй вакол Украіны і планамі ЗША датычна спынення вайны.

На думку Святланы Алексіевіч, цяпер трэба рабіць усё, што можа вызваліць палітвязняў – размаўляць з Лукашэнкам, з усімі, хто нейкім чынам можа паўплываць на сітуацыю.

,,

«Таму што чалавечае жыццё вышэй за ўсё. Трэба думаць толькі пра гэта, каб яны былі на волі – нашыя людзі. Яны чакаюць. Я размаўляла з Палінай (Шарэндай-Панасюк, былой палітзняволенай – рэд.). Яны вельмі чакаюць», – кажа пісьменніца.


Нобэлеўская лаўрэатка дапускае адмену санкцыяў, магчыма, не ўсіх, але кажа, што «штосьці можна зрабіць, каб іх выпусціць».


«Я за тое, што трэба зрабіць усё», – падкрэслівае Алексіевіч.


Будучыня Беларусі бачыцца суразмоўцы «Белсату» туманнай:

,,

«Я баюся, што мы – маленькая краіна – трапілі ў вялікую геапалітычную гульню. І мы як разменная манета. І ў нас нібы няма асобнага жыцця – яно ўвесь час ад некага залежыць. Для мяне сёння будучыня прадстаўляецца вельмі туманнай і вельмі жорсткай для нас. І гэта страшна».


Пісьменніца Святлана Алексіевіч на кніжным кірмашы ў Вільні, Літва. 1 сакавіка 2025 года. Фота: Белсат

«У Беларусі – фашызм». Святлана Алексіевіч прамовіла на кніжным кірмашы ў Вільні

навіны

Пісьменніца мяркуе, што калі Пуцін прымусіць Лукашэнку ўступіць у вайну з Украінай, у Беларусі можа распачацца грамадзянская вайна, бо «краіна падзялілася».


«Я не палітык, але адчуваю, што штосьці цёмнае насоўваецца на нас. Падзеі адбываюцца незалежна ад нас. <…> Увесь свет спужаўся Трампа. І калі іх двое – Трамп і Пуцін – гэта небяспечна для свету», – рэзюмавала нобэлеўская лаўрэатка.


Марыя Міхалевіч, Ганна Русінава belsat.eu

больш па гэтай тэме Глядзіце больш
Item 1 of 4
апошнія
Item 1 of 10