навіны

Вырасла колькасць беларусаў, якія з’язджаюць на заробкі. Большасць – у Расею

Чалавек з валізкай
Фота мае ілюстрацыйны характар. Крыніца: Freepik
podpis źródła zdjęcia

У 2024 годзе 112,4 тысячы беларусаў выязджалі працаваць за мяжу. Гэта на 1,9 % больш, чым у 2023-м, паведамляе Нацыянальны статыстычны камітэт.

Здымак мае ілюстрацыйны характар. Аляксандр Лукашэнка ў час паездкі ў Менскую вобласць, Беларусь. 21 лютага 2025 года. Фота: president.gov.by

Бракуе грошай? Лукашэнка параіў: Ідзі на другую, на трэцюю працу

навіны

Паводле афіцыйных звестак, прыведзеных у даследаванні хатніх гаспадарак адносна праблемаў занятасці, большасць беларусаў, якія летась з’язджалі на заробкі, – 64,2 % – ехалі ў Расею. У 2023 годзе колькасць эканамічных мігрантаў з нашай краіны склала 63 %.


Пры гэтым польская Управа сацыяльнага страхавання надоечы паведаміла, што ў Польшчы павялічваецца колькасць афіцыйных працаўнікоў з Беларусі, хоць агулам тэмпы росту моцна запаволіліся. На канец 2024 года ў Польшчы афіцыйна працавалі 134 900 беларусаў, што на 5500 чалавек больш, чым у 2023-м. Але тут важна памятаць, што статыстыка ўлічвае толькі тых, хто ахоплены пенсійным страхаваннем. У Польшчы вельмі шмат беларусаў, якія працуюць неафіцыйна.


Прырост беларускіх працаўнікоў у Польшчы ў 2024 годзе быў самым нізкім за апошнія гады з прычыны запаволення палітычнай эміграцыі з Беларусі і праз узмацненне строгасці польскай візавай палітыкі.


Белстат сцвярджае, што ў 2024 годзе ў Беларусі былі занятыя 67,5 % грамадзянаў ва ўзросце 15–74 гадоў, а ўзровень беспрацоўя склаў 3 %. У агульнарэспубліканскім банку вакансіяў станам на 3 сакавіка 2025 года было 188 817 прапановаў працы.


Марыя Міхалевіч belsat.eu

больш па гэтай тэме Глядзіце больш
Item 1 of 4
апошнія
Item 1 of 10