1 сакавіка на фоне няўдалых перамоваў паміж Уладзімірам Зяленскім і Доналдам Трампам камандзір палка Каліноўскага Павел Шурмей (Дзядзька) выступіў са зваротам, у якім падкрэсліў важнасць падтрымання Украіны і гатоўнасць Еўропы абараняць сябе самастойна.
«Хочаш міру – рыхтуйся да вайны!» – заявіў Павел Шурмей, адзначыўшы, што апошнія перамовы ў ЗША паказалі: Еўропе давядзецца разлічваць толькі на свае сілы.
Беларускія добраахвотнікі заклікаюць не заставацца ўбаку, бо ад вынікаў гэтай барацьбы залежыць будучыня не толькі Украіны, але і Беларусі.
«Падтрымка Украіны – гэта шанец спыніць вялікую вайну, якая можа ахапіць усю Еўропу», – падкрэсліў Шурмей.
У палку Каліноўскага заклікалі далучацца да іх шэрагаў і дапамагаць у змаганні за свабоду.
«Разам да перамогі! Слава Украіне! Жыве Беларусь!» – завяршыў зварот камандзір палка.
Падтрымаць беларускіх добраахвотнікаў, якія ваююць у палку Каліноўскага, можна праз спасылку.
Раман Шавель belsat.eu
