У Клайпедзе ў 34-гадовага беларуса знайшлі кантрабанду на 2 млн еўраў. Літоўскія памежнікі і мытнікі натрапілі ў грузавіку на вялікую партыю цыгарэтаў без акцызных марак.
Як паведамляюць мытнікі, грузавік праверылі на адной з аўтазаправак. У паўпрычэпе знайшлі амаль 450 тысяч пачкаў цыгарэт. Вядома, што беларус трапіў на месяц пад арышт. Яму пагражае да васьмі гадоў пазбаўлення волі.
Нагадаем, нядаўна ў Літве арыштавалі двух беларусаў, якія пастаўлялі машыны ў абыход санкцыяў. А заадно вазілі цыгарэты. Тады мытнікі западозрылі, што неназваныя кампаніі перавозілі розныя аўтамабілі з Літвы ў Беларусь і Расею ў парушэнне міжнародных санкцыяў. Вынікі рэйдаў паказваюць, што кампаніі ў 2024 годзе перавезлі ў Беларусь і Расею 30 аўтамабіляў: цягачы, паўпрычэпы, люксавыя легкавыя машыны «BWM» і «Mercedes-Benz G-Class». Іх сумарны кошт мог скласці 1,7 млн долараў.
Надзея Вольная belsat.eu
