Белстат падзяліўся справаздачнасцю наконт працы ў студзені эканомікі агулам і прамысловасці ў прыватнасці. Там – планавае запаволенне росту, усё як і мае быць, але…
Што гэта ў нас там, з Гарадзенскаю вобласцю? Падзенне адразу на 18%. Гэта што ж адбываецца? Адказ можна знайсці, калі паглядзець на звесткі ў раздзеле асобных сектараў прамысловасці.
Падзенне ў энергетыцы за студзень – большае за 9%. Складаючы два і два, ані тры, ані пяць атрымаць немагчыма. Як і думалі эксперты, абодва блокі нашае слаўнае АЭС не працавалі амаль увесь студзень. Першы – прастойваў з трэцяга снежня да дваццаць сёмага студзеня, а другі быў спынены ў снежні пасля «спрацоўвання аднаго з датчыкаў». Яго далучылі да працы толькі дваццаць чацвёртага студзеня.
І звярніце ўвагу: ні з эканомікай, ні з пастаўкамі энергіі ў камунальнай сферы нічога не адбылося. Дзякуй Белстату. Ён яшчэ раз пацвердзіў: атамная станцыя – проста нікому не патрэбная, але вельмі дарагая цацка. Крыніцаў энергіі ў краіне і без яе стае.
Таксама ў новым выданні «Атмасферы» з Аляксандрам Кныровічам:
- Дзіўная нарада ў Лукашэнкі
- У якой краіне, спажывецкі кошык больш даступны: у Польшчы – ці ў Беларусі?
- Што і хто перашкаджае развівацца бізнесу ў Беларусі?
