Кіраўнік Галоўнага ўпраўлення выведкі Украіны Кірыла Буданаў апавёў, што верыць у заканчэнне вайны ў 2025 годзе. Гэта ён паведаміў, адказваючы на пытанні журналістаў на форуме «Украіна. Год 2025», перадае «РБК-Україна».
«Так, я веру. Вы пачулі, дарэчы, ад некалькіх спікераў [падчас форуму. – Заўв. рэд.], што як мінімум Расейскай Федэрацыі патрэбная перадышка, спыненне агню, каб нарасціць сілы. Не хапае сілаў. Гэта адна з прычынаў. Другая – вялікі фінансавы кошт дня вайны для Расейскай Федэрацыі», – сказаў ён.
Паводле Буданава, гэта можа адбыцца, «калі ўсе бакі будуць гатовыя, выпрацуюць план, алгарытм, які ўзгодняць, калі ён рэалістычны».
«Тады і адбудзецца, раней не будзе. У аднабаковым парадку гэта нельга зрабіць», – адзначыў кіраўнік ГУР.
Поўнамаштабнае ўварванне Расеі ва Украіну пачалося 24 лютага 2022-га і цягнецца ўжо тры гады.
Арсен Рудэнка belsat.eu
