«Белсат» быў, ёсць, будзе. Ужо 3 сакавіка мы распачнём новы – веснавы – сезон у новым выглядзе. Нашая праграмная сетка трансляцыі будзе выходзіць у новым фармаце.
Як будзе выглядаць «Белсат»?
Цяпер мы маем тры рэдакцыі з рознымі мовамі трансляцыі «Белсат» – па-беларуску, «Вот так» – па-расейску, «Слава» – па-ўкраінску. Кожная з рэдакцыяў рыхтуе паўнавартасную праграмную прапанову. Ад інфармацыйных і публіцыстычных праграмаў да дакументальных і мастацкіх фільмаў.
Калі можна глядзець?
Перапынкаў больш не будзе. «Белсат» пачынае трансляцыю 24/7.
Праграмы беларускамоўнай рэдакцыі «Белсату» можна глядзець паводле менскага часу:
з 08:00 да 11:00,
з 20:00 да 23:00,
з 02:00 да 05:00.
Праграмы расейскамоўнай рэдакцыі, «Вот так», будуць выходзіць у эфір паводле маскоўскага часу:
з 05:00 да 06:00,
з 11:00 да 13:00,
з 18:00 да 20:00,
з 00:00 да 02:00.
Украінскамоўная рэдакцыя, «Слава», будзе працаваць для вас паводле кіеўскага часу:
з 05:00 да 07:00,
з 12:00 да 17:00,
з 22:00 да 23:00.
Дзе глядзець?
Як і раней, паўсюль! «Белсат» можна глядзець, наладаваўшыся на спадарожнік «Astra 4A» (тут знойдзеце падрабязныя звесткі). «Белсат» даступны на агульнанацыянальных эфірных лічбавых платформах у Польшчы і Літве, а таксама ў розных кабельных сетках Польшчы і Украіны. І, вядома ж, у інтэрнэце. Наш эфір і асобныя праграмы можна глядзець на сайце і шэрагу YT-каналаў.
Ужо на гэтым тыдні мы вам апавядзём самае цікавае – якія праграмы будуць у веснавым сезоне. Сачыце за навінамі на нашым сайце і ў сацыяльных сетках. Застаемся разам!
