«Вялікая сямёрка» (G7) разглядае магчымасць узмацнення жорсткасці абмежавання коштаў на расейскую нафту, каб скараціць даходы Масквы з прычыны ейнай вайны супраць Украіны.
Праект заявы, пра які піша «Bloomberg», паказвае, што краіны «G7» могуць даручыць сваім міністрам фінансаў калектыўна змяніць цяперашні ліміт цаны ў 60 долараў за барэль сырой нафты, уведзены, каб абмежаваць доступ Крамля да грошай і «стымуляваць» яе да заканчэння вайны.
Выданне адзначае, што пакуль незразумела, наколькі ўсе краіны «Вялікай сямёркі» падтрымліваюць дакумент у яго цяперашнім выглядзе. Магчыма, ён будзе перагледжаны, калі дыпламаты працягваюць узгадняць тэкст. У так званым нулявым праекце таксама згадваюцца «войскі і рэсурсы на месцах у спалучэнні з надзейным міжнародным наглядам для кантролю за ўзгодненымі лініямі».
Абмежаванне коштаў на нафту было ўведзена ў снежні 2022 года. Яго шмат крытыкавалі як занадта лёгкае для Расеі. Аднак у студзені 2025 года былая адміністрацыя ЗША ўвяла дадатковыя санкцыі на нафтавую галіну РФ, у тым ліку на яе ценявы флот, каб паскорыць развязанне вайны ва Украіне. Гэта моцна абмежавала пастаўкі расейскай нафты ў Індыю і Кітай.
Якуб Хруст belsat.eu
