Нацыянальны статыстычны камітэт Беларусі 18 лютага апублікаваў першую ацэнку валавога ўнутранага прадукту за студзень 2025 года адносна студзеня 2024-га.
Як паведамілі ў Белстаце, аб'ём ВУП у актуальных цэнах склаў 20,5 млрд рублёў, павялічыўшыся ў супастаўных цэнах на 3,7 % да ўзроўню студзеня 2024 года.
У студзені 2025 года ВУП Беларусі вырас адносна студзеня 2024 года менш – толькі на 2,8 %. Пры гэтым у цэлым у 2025 годзе паказнік мае расці яшчэ хутчэй – па выніках года запланаваны рост ВУП на 4,1 %.
Сёлета ў студзені прамысловасць, сельская гаспадарка, пасажыра- і грузаабарачэнне, а таксама гандаль і грамадскае харчаванне ў Беларусі ў цэлым паказалі рост. Але некаторыя з галінаў сышлі ў мінус адносна паказнікаў мінулага года, часам амаль на 10 %.
Гэтак, забеспячэнне электраэнергіяй, газам, парай, гарачай вадой і кандыцыянаваным паветрам скарацілася на 9,4 %, а водазабеспячэнне, збор, апрацоўванне і выдаленне адходаў, ліквідацыя забруджвання – на 1,5 %. Гуртавое тавараабарачэнне ў студзені скарацілася на 2,6 % у супастаўных цэнах адносна ўзроўню студзеня 2024 года, а грузаабарачэнне зменшылася на 1,6 %.
Якуб Хруст belsat.eu
