Падзенне дрона на ЧАЭС і катастрофа ў Гватэмале. Фатаграфіі тыдня
15.02.2025, 00:51
Жанчына сталага веку, эвакуяваная разам з іншымі мірнымі жыхарамі з прыфрантавога Пакроўску, сядзіць у цэнтры часовага перабывання ў Паўлаградзе, Украіна. 12 лютага 2025 года. Фота: Jose Colon / Anadolu / Abaca Press / East News
podpis źródła zdjęcia
Расейскія ракетныя атакі на Украіну, катастрофа з пасажырскім аўтобусам у Гватэмале, эвакуацыя актывісткі Паліны Шарэнды-Панасюк пасля адбыцця тэрміну – сабралі ў фотападборы здымкі тыдня.
Мясцовыя жыхары прыбіраюць тэрыторыю каля варонкі ад расейскага ўдару балістычнымі ракетамі па Кіеве. На месцы загінуў адзін чалавек, чацвёра пацярпелі, сярод іх дзіця. Кіеў, Украіна. 12 лютага 2025 года. Фота: Tetiana Dzhafarova / AFP / East News
Чалавек глядзіць на намёты для перамешчаных палестынцаў у двары сярэдняй школы на поўначы сектару Газа з пашкоджанага будынку на фоне дзейнага пагаднення пра спыненне агню паміж Ізраілем і «Хамасам». 10 лютага 2025 года. Фота: Bashar Taleb / AFP / East News
Фермеры трымаюць транспарант з надпісам «Мы больш не можам дазволіць сабе карміць вас» перад трактарамі падчас дэманстрацыі супраць змяненняў правілаў падатку на спадчыну для землеўладання для фермераў. Лондан, Вялікая Брытанія. 10 лютага 2025 года. Фота: Henry Nicholls / AFP / East News
Ратаўнікі эвакуююць адну з ахвяраў катастрофы, у выніку якой аўтобус зваліўся ў яр. Прынамсі 54 асобы загінулі ў Гватэмале, калі аўтобус урэзаўся ў агароджу і зваліўся ў яр. Ратавальнікі заявілі, што гэта адно з найгоршых дарожна-транспартавых здарэнняў у Лацінскай Амерыцы за апошнія гады. Гватэмала, Гватэмала. 10 лютага 2025 года. Фота: Johan Ordonez / AFP / East News
Пашкоджанні пасля атакі расейскага ўдарнага беспілотніка з фугаснаю баявою часткаю відаць на новым бяспечным канфайнменце, які абараняе рэшткі рэактара № 4 Чарнобыльскай АЭС ад радыяцыі. Паводле надзвычайных службаў, да павышэння радыяцыйнага фону гэта не прывяло. Прыпяць, Украіна. 14 лютага 2025 года. Фота: Tetiana Dzhafarova / AFP / East News
Родныя былой палітзняволенай Паліны Шарэнды-Панасюк сустракаюць жанчыну на чыгуначным вакзале ў Вільні. Каардынатарка кампаніі «Еўрапейская Беларусь» з'ехала з Беларусі, цалкам адбыўшы тэрмін зняволення. Яе пратрымалі ў няволі 4 гады і 1 месяц, з іх 270 дзён – у штрафных ізалятарах і памяшканнях камернага тыпу. Вільня, Літва. 6 лютага 2025 года. Фота: Белсат
