Радыяцыйная абстаноўка на тэрыторыі Гомельскай вобласці стабільная. Пра гэта пасля атакі дрона на Чарнобыльскую АЭС заявіў начальнік Галоўнага ўпраўлення ў спаве праблемаў ліквідацыі наступстваў катастрофы на Чарнобыльскай АЭС Гомельскага аблвыканкаму Дзмітрый Руткоўскі, паведамляе тэлеграм-канал «Гомельщина официально».
«Нашыя спецыялісты супольна з філіялам "Гомельаблгідрамет" і Палескім дзяржаўным радыяцыйна-экалагічным запаведнікам на сталай аснове праводзяць маніторынг магутнасці дозы гама-выпраменьвання ў рэгіёне. На дзень 14 лютага радыяцыйная абстаноўка стабільная, магутнасць дозы гама-выпраменьвання на пунктах назіранняў радыяцыйнага маніторынгу атмасфернага паветра адпавядае ўсталяваным шматгадовым значэнням», – сказаў Дзмітрый Руткоўскі.
Тое, што здарылася, тэлеграм-канал чыноўнікаў Гомельскага аблвыканкаму называе інцыдэнтам.
Атака дрона на ЧАЭС адбылася ўначы 14 лютага. Выбух пасля сутыкнення дрона з саркафагам на АЭС чулі эксперты МАгАтЭ. Таксама яны падзяліліся фота з пажарам на даху саркафага.
Прэс-сакратар Крамля Дзмітрый Пяскоў заявіў, што гэта не расейскі дрон атакаваў ЧАЭС. Пры гэтым расейскія дроны рэгулярна атакуюць Украіну і ў тым ліку залятаюць на тэрыторыю Беларусі. Адзін з іх упаў у цэнтры Хойнікаў 9 лютага.
Арсен Рудэнка belsat.eu
