навіны

Дзярждэп: Лукашэнка нічога не атрымаў за вызваленне вязняў

Памочнік дзяржсакратара ЗША Крыстафэр Сміт і амбасадарка ў Літве Кара Макдоналд. Скрыншот з відэа CNN
Памочнік дзяржсакратара ЗША Крыстафэр Сміт і амбасадарка ў Літве Кара Макдоналд. Скрыншот з відэа CNN
podpis źródła zdjęcia

Прадстаўнікі амерыканскіх уладаў пракаментавалі вызваленне ўладамі Беларусі траіх асобаў, у тым ліку аднаго грамадзяніна ЗША.

«Доналд Трамп дамогся вызвалення яшчэ аднаго грамадзяніна ЗША з Беларусі, а таксама дваіх палітычных зняволеных. Абяцанні дадзеныя, абяцанні выкананыя», – напісаў дзяржсакратар ЗША Маркаў Руб’ёў у сваім блогу ў сетцы X.

Тым часам намеснік памочніка дзяржсакратара ЗША ў справах Усходняй Еўропы Крыстафэр Сміт расказаў у каментары для тэлеканалу CNN, што асабіста забраў вызваленых асобаў у Менску.

,,

«Гэта была спецаперацыя, калі мы проста перайшлі беларускую мяжу, заехалі ў Менск, каб сустрэцца з беларускім бокам, які прывёз да нас гэтых траіх затрыманых. Яны перадалі іх нам пад варту. Іх нам перадалі, а мы праз Літву вывезлі», – сказаў Сміт.


Анастасія Нуфэр з сабакам. Фота: Anastasia Putnam / Facebook

Навошта Лукашэнка вызваліў невядомую грамадзянку ЗША і якія сігналы ён гэтым падае

Аналітыка

Паводле яго, вызваленне ёсць вялізнай перамогай і водгукам на стратэгію «мір праз моц» прэзідэнта Трампа. Сміт адзначыў, што гэта «быў аднабаковы жэст з боку ўладаў Лукашэнкі», якія імкнуцца палепшыць стасункі з ЗША. Менск «нічога не атрымаў за гэты абмен», дадаў ён.

«Беларусы рэагуюць на гэта, і мы будзем працягваць працаваць, пакуль не вернем дадому ўсіх амерыканцаў», – заявіў Сміт.

Тым часам галоўны дарадца Святланы Ціханоўскай Франак Вячорка аспрэчыў у каментары «Позірку» здагадкі, што вызваленым «грамадзянінам ЗША, імя якога
пакуль не раскрываецца», ёсць палітзняволены адвакат Юрый Зянковіч.

Нагадаем, што 12 лютага сталася вядома, што трое палітвязняў, якія былі за кратамі ў Беларусі, атрымалі свабоду. У Вільню ўжо прыбылі журналіст Андрэй Кузнечык, актывістка Алена Маўшук, а таксама яшчэ адна асоба – грамадзянін ЗША. Меркавалася, гэта можа быць юрыст Зянковіч, інтэрв’ю з якім нядаўна выходзіла на лукашэнкаўскім тэлебачанні. У ім адвакат здымаўся ў цывільным адзенні і быў не ў камеры (журналістам удалося высветліць, што гэта магло адбыцца ў гатэлі «Еўропа» ў Менску).

Спецыяльна для «Белсату» Франак Вячорка паведаміў, што вызвалены амерыканскі грамадзянін сам «пажадаў захаваць сваё імя ў таямніцы».

У выбарчую нядзелю 26 студзеня дзяржаўны сакратар ЗША заявіў пра вызваленне ў Беларусі амерыканскай грамадзянкі Анастасіі Нуфэр. Яе затрымалі ў канцы 2024 года.

Якуб Хруст belsat.eu

больш па гэтай тэме Глядзіце больш
Item 1 of 4
апошнія
Item 1 of 10