Сярод траіх палітвязняў, якія сёння апынуліся на волі, называецца грамадзянін ЗША, ягоная асоба не раскрываецца. Мы запыталіся ў старэйшага дарацы Святланы Ціханоўскай Франака Вячоркі, што вядома пра гэтую асобу.
Спецыяльна для «Белсата» Франак Вячорка паведаміў, што вызвалены амерыканскі грамадзянін сам «пажадаў захаваць сваё імя ў таямніцы».
«Я думаю, што амерыканская адміністрацыя вызначыць, называць яго імя, ці не. Мы называем толькі беларусаў за вызваленне якіх у тым ліку змагаліся. Яны сталіся часткаю гэтага вызвалення дзякуючы намаганням амерыканскай адміністрацыі», – паведаміў Франак Вячорка.
Нагадаем, што сёння стала вядома пра што трое палітвязняў, якія знаходзіліся за кратамі ў Беларусі, атрымалі свабоду. У Вільню ўжо прыбылі журналіст Андрэй Кузнечык, актывістка Алена Маўшук, а таксама яшчэ адна асоба – грамадзянін ЗША. Верагодна, гэта можа быць юрыст Юрась Зянковіч, інтэрв’ю з якім нядаўна выходзіла на беларускім тэлебачанні. У ім Зянковіч здымаўся ў цывільным адзенні і знаходзіўся не ў камеры (журналістам удалося высветліць, што гэта магло адбыцца ў гатэлі «Еўропа» у Менску).
Раман Шавель belsat.eu
