Маніторынгавы праект «Беларускі Гаюн» спыняе сваю працу. Такое паведамленне з'явілася ў яго тэлеграм-канале.
Падрабязнасцяў не паведамляецца. Гэта адбылося на фоне ўзлому чат-бота «Беларускага Гаюна» ў Telegram.
«Я хачу адразу сказаць, што ў гэтай сітуацыі спрацавала чалавечая памылка, і гэтая памылка была маёй.
Калі вы дасылалі інфармацыю, якая можа вас ідэнтыфікаваць, або пісалі з акаўнтаў, якія могуць вас ідэнтыфікаваць, вы пад пагрозай», – напісаў пра ўзлом кіраўнік праекту Антон Матолька 5 лютага.
6 лютага сузаснавальнік Фонду «BYSOL» Андрэй Стрыжак распавёў, што за содні ў фонд звярнулася 50 чалавек па дапамогу ў сувязі з узломам чат-бота «Беларускага Гаюна».
7 лютага сілавікі распавялі пра першага затрыманага, які, верагодна, пісаў у бот. Гэта работнік Мазырскага НПЗ Максім Нікіценка.
З пачатку поўнамаштабнага ўварвання Расеі ва Украіну ў бот пісалі тысячы людзей, каб паведаміць пра перамяшчэнне расейскіх войскаў у Беларусі.
Арсен Рудэнка belsat.eu
