Тым, каму пагражае небяспека, прапаноўваюць звяртацца па дапамогу і кансультацыю ў «BYSOL».
«Калі сённяшні ўзлом чат-бота «Беларускага Гаюна» датычны вашай бяспекі, звяртайцеся па кансультацыю/эвакуацыю на гарачую лінію "BYSOL" – @help_bysol», – напісаў Андрэй Стрыжак.
Нагадаем, у выніку несанкцыянаванага ўваходу раніцай 5 лютага быў атрыманы доступ да чату з ботам маніторынгавай групы «Беларускі Гаюн», якая займаецца адсочваннем перамяшчэння расейскай вайсковай тэхнікі, паведамляе пра ўзлёты знішчальнікаў, ракетаў і беспілотнікаў.
Крыху пазней Антон Матолька ўдакладніў:
«Каб адразу адказаць на ўсе паведамленні:
- Уваход у чат з ботам адбыўся праз старую спасылку, створаную 2 сакавіка 2022 года.
- На жаль, у гэты момант у наладах чату не была ўключаная функцыя «схаваць паведамленні для новых карыстальнікаў». Калі б яна была ўключаная, ніякага доступу ў ГУБАЗіКу не было б.
- Чалавек, якога яны паказваюць на скрыншотах, не меў аніякіх доступаў са студзеня 2023 года».
Надзея Вольная belsat.eu
