навіны

«Настрой такі сабе». Беларуска з Каліфорніі апавяла пра аблавы на мігрантаў у ЗША

img
Затрыманні мігрантаў у Нью-Ёрку, ЗША. 28 студзеня 2025 года. Фота: Matt McClain/The Washington Post via Getty Images
podpis źródła zdjęcia

Адзін з першых указаў, падпісаных Доналдам Трампам пасля вяртання ў Белы дом, абрынуўся супраць мігрантаў. Людзей, якія не маюць законных падставаў жыць у ЗША, затрымліваюць сотнямі. Беларуская каліфарнійка Марыя Яфімава ў размове з «Белсатам» прызналася: у дыяспары «адчуваецца напружанне».

«Напружанне ў дыяспары адчуваецца. Агульны настрой такі сабе, асабліва ў тых, хто яшчэ ў працэсе легалізацыі ці не мае яе», – адзначыла ў размове з «Белсатам» сяброўка ўправы Асацыяцыі беларусаў у Амерыцы Марыя Яфімава.


Беларуска жыве ў Сан-Дыега зусім блізка ад мяжы ЗША з Мексікаю. Кажа, іміграцыйная паліцыя чыніць сапраўдныя аблавы супраць замежнікаў – найперш мексіканцаў:

,,

«Мексіканцаў проста хапаюць пачкамі: каля крамаў, удома, бо ведаюць, дзе тыя жывуць, ходзяць з аблавамі. Гэты закон найперш супраць мексіканцаў, хаця Трамп не можа так сказаць, бо гэта расізм».


Доналд Трамп у перадвыбарчай праграме абяцаў узяцца за мігрантаў, і адзін з першых законаў, падпісаны ім у першы ж дзень на пасадзе прэзідэнта, прадугледжвае дэпартацыю замежнікаў, якія застаюцца ў ЗША больш за два тыдні і менш за два гады ды не маюць неабходных дакументаў.


Яфімава адзначае: мігрантам, якія ў працэсе легалізацыі, высылка не пагражае, але імпэт, з якім улады накінуліся на замежнікаў, трохі бянтэжыць беларусаў:


«У людзей трывожны настрой: калі хутка суд ці інтэрв'ю на палітычны прытулак (там розныя працэдуры), то ўсё адно людзі хвалююцца. Кейсы палітычнага прытулку разглядаюцца больш пільна: замест двух інтэрв'ю, што былі раней, цяпер ужо, тры асобы казалі, ідуць на пятае. Раней такога звычайна не было. Першае інтэрв'ю, другое – і табе кажуць вынік».

Прэзідэнт ЗША Доналд Трамп падпісвае шэраг выканаўчых актаў у Авальным кабінеце Белага дому. Вашынгтон, акруга Калумбія, ЗША. 20 студзеня 2025 года. Фота: Evan Vucci / AP Photo / East News

ЗША збіраюцца дэпартаваць больш за 300 беларусаў

навіны

Суразмоўца наракае, што шмат хто не ведае правоў ці не можа дазволіць сабе адваката, і гэта пагражае непрыемнасцямі:


«Быў выпадак з беларусам-кіроўцам, у якога спраўдзілі дакументы і хацелі забіраць. Далі званок, добра, што там жонка сцяміла, сфатаграфавала дакументы, што ён ужо падаўся на палітычны прытулак. То бок асоба не ведае, што трэба паказваць гэтыя дакументы. Калі б не жонка, мужчыну забралі б, і невядома, колькі б ён там прасядзеў у пастарунку, пакуль разбіраліся б».


Асацыяцыя беларусаў у Амерыцы цяпер намагаецца стварыць штосьці накшталт гарачай лініі, дзе будуць кансультаваць у міграцыйных справах:


«Мы гэтым займаемся, думаю, на гэтым тыдні зробім, кансультуемся з праўнікамі».


Як паведамлялася, у лістападзе іміграцыйная і мытная паліцыя ЗША (ICE) склала дэпартацыйны спіс, у які залучаныя 323 грамадзяніны Беларусі. Агулам у пераліку – амаль 1,5 млн грамадзянаў 205 краінаў.


Сцяпан Кубік belsat.eu

больш па гэтай тэме Глядзіце больш
Item 1 of 4
апошнія
Item 1 of 10