Увечары 2 лютага на тэрыторыі прыватнага домаўладання ў вёсцы Лугавая Вірня Жлобінскага раёну Гомельскай вобласці адбыўся выбух. У выніку здарэння тры асобы загінулі, яшчэ дзве пацярпелі.
Як адзначылі ў Міністэрстве надзвычайных сітуацыяў, у выніку выбуху смяротныя траўмы атрымалі гаспадар 1989 года нараджэння, ягоныя сын 2021 і дачка 2023 гадоў нараджэння. З траўмамі рознай ступені цяжкасці шпіталізаваныя жонка гаспадара 1992 года нараджэння і сын 2018 года нараджэння.
Прычына і абставіны здарэння высвятляюцца. У МНС мяркуюць, што ўзарваўся кіслародны балон. Да такой жа версіі схіляюцца і ў Следчым камітэце.
Агулам у сям'і выхоўваліся чацвёра дзяцей. Яшчэ адно дзіця ў момант выбуху было ў Жлобіне.
Якуб Хруст belsat.eu
