У Беларусь раніцай 1 лютага заляталі мінімум тры дроны-камікадзэ тыпу «Shahed». Гэта расейскія дроны, якія павінны былі атакаваць Украіну, але трапілі ў Беларусь, паведамляе маніторынгавая група «Беларускі Гаюн».
«Дроны заходзілі курсам на Брагін і Асарэвічы, а адзін заляцеў з РФ, прайшоў па мяжы і вылецеў ва Украіну праз Тры сястры [манумент на стыку межаў Беларусі, Расеі і Украіны. – Заўв. рэд.]. Першы зафіксаваны а 05:06, калі БПЛА заляцеў на Брагін, праз Малажын. Далей заходы а 05:51 і 06:13. Авіяцыя ВПС РБ ноччу і раніцай не падымалася», – піша «Беларускі Гаюн».
Расейскія дроны рэгулярна залятаюць у Беларусь з лета 2024 года. Міністэрства абароны Беларусі абвінавачвае ўва ўсім Украіну, а Аляксандр Лукашэнка ў верасні 2024 года заявіў, што дроны і ўкраінскія, і расейскія.
Арсен Рудэнка belsat.eu
