Пра вылучэнне палітзняволенага лідара беларускай апазіцыі Мікалая Статкевіча на Нобэлеўскую прэмію міру апавялі ягоныя паплечнікі.
Дэпутат Еўрапейскага парламенту Пятрас Аўштравічус зарэгістраваў Статкевіча кандыдатам на прэмію.
,,«Шалёную працу ў аўральным парадку для збору матэрыялаў правяла каманда Народнай грамады. І мы паспелі да заканчэння тэрміну прыёму заявак», – апавялі паплечнікі палітыка.
Нобэлеўская прэмія міру прысуджаецца штогод фізічным асобам і арганізацыям, якія, на меркаванне Нобэлеўскага камітэту ў Осла, зрабілі выбітны ўнёсак у справу ўмацавання міру.
У 2022 годзе лаўрэатам Нобэлеўскай прэміі міру стаўся беларускі палітычны вязень, праваабаронца Алесь Бяляцкі.
Мікалай Статкевіч асуджаны да 14 гадоў пазбаўлення волі за арганізацыю масавых закалотаў (ч. 1 арт. 293 КК РБ). З лютага 2023-га яго ўтрымліваюць без сувязі з роднымі і вонкавым светам – у рэжыме інкамунікада.
Марыя Міхалевіч belsat.eu
