навіны

Беларуска, асуджаная ў Польшчы за шпіянаж, не прыйшла адбываць пакаранне і не заплаціла штраф

Беларуска Дар’я А., асуджаная ў Польшчы за шпіянаж
Беларуска Дар’я А., асуджаная ў Польшчы за шпіянаж. Фота: OnlyFans / Bgmedia.site
podpis źródła zdjęcia

Асуджаная не з’явілася для адбывання пакарання і не зрабіла ў належны час плацяжу 15,5 тысячы злотых. Дзе яна можа быць цяпер, не ведаюць.

Затрыманне меркаванай беларускай шпіёнкі. Варшава, Польшча. 20 снежня 2023 года. Фота: Abw.gov.pl

Беларускія шпіёны ў Польшчы – хто яны? Пяць вядомых справаў

Гісторыі

Беларуска Дар’я А., якую асудзілі за шпіянаж, не з’явілася для адбывання пакарання, паведаміла «Белсату» кіраўніца Бюро абслугоўвання зацікаўленых бакоў Акруговага суда Варшавы-Прагі Катажына Брогашч. Дар’ю А. абвясцілі ў вышук (выдалі list gończy).


Таксама Дар’я А. не сплаціла 15 546 злотых (каля 3850 долараў) у якасці кампенсацыі атрыманага злачынным шляхам. На сплату ёй давалі 30 дзён. Калі тэрмін выйшаў, было вынесенае распараджэнне перадаць справу ў адпаведны падатковы орган для ініцыявання выканальнага вядзення.


Дар’ю А. затрымалі ў Лодзі ў снежні 2023 года, западозрыўшы ў працы на Камітэт дзяржаўнай бяспекі Беларусі. Беларускія медыі высветлілі, што гэта былая актывістка «Гавары праўду» з Баранавічаў і колішняя давераная асоба кандыдата на прэзідэнцтва Андрэя Дзмітрыева. Ветэрынарка з адукацыі, Дар'я падпрацоўвала мадэллю на сайце для дарослых «OnlyFans». Сцвярджалася, што ў смартфоне жанчыны былі знойдзеныя доказы ейнай супрацы з Камітэтам дзяржаўнай бяспекі яшчэ з 2017 года. 


Па пераездзе ў Польшчу беларуска спрабавала наладжваць кантакты з актывістамі беларускай дыяспары, трапіць у арганізацыі, прапаноўваючы валанцёрскую дапамогу, збірала інфармацыю пра Паспалітае рушэнне, беларускіх добраахвотнікаў ва Украіне і тых, хто ім дапамагае. Дар’я А. выдала сябе, калі падчас нецвярозай размовы прагаварылася знаёмым пра сапраўдныя мэты актыўнасці ў Польшчы. Пасля гэтага інфармацыю пра жанчыну перадалі ў польскае Агенцтва ўнутранай бяспекі, у той жа дзень яе затрымалі. 


Дар'ю асудзілі за шпіянаж да турэмнага зняволення тэрмінам 1 год 8 месяцаў з надзвычайным змякчэннем. Дзевяць месяцаў пад вартаю залічылі ў тэрмін пакарання і пастанавілі вызваліць яе, калі не выявяцца падставы для далейшага ўтрымання.


Выданне Gazeta.pl пісала, што суд над ёю быў вельмі кароткі. У апошнім слове беларуска выказала шкадаванне, што бяздумна пагадзілася на супрацу са спецслужбамі; са слязамі на вачах казала, што яе прымусілі; наракала, што за дзевяць месяцаў за кратамі ў яе абвастрылася дэпрэсія.


Дар’я Форман, Алесь Наваборскі belsat.eu

больш па гэтай тэме Глядзіце больш
Item 1 of 4
апошнія
Item 1 of 10