Актывізацыя баявых дзеянняў у Конга і ахвяры апоўзня ў Інданезіі. Фатаграфіі тыдня
26.01.2025, 08:38
Разбурэнні пасля расейскай атакі ад артылерыі і авіяцыі ў Канстанцінаўцы. У выніку ўдару адзін чалавек загінуў, некалькі пацярпелі. У Канстанцінаўцы з 15.00 да 11.00 дзейнічае ўзмоцнены каменданцкі час. За чатыры гадзіны дня людзі мусяць навесьці парадак у разбураных расейскімі ўдарамі дамах, набыць ежу, набраць вады – цэнтралізаванае водазабесьпячэньне з перабоямі. Канстанцінаўка, Данецкая вобласць, Украіна. 23 студзеня 2025 года. Фота: Jose Colon / Anadolu via Getty Images
podpis źródła zdjęcia
Жыццё гораду Канстанцінаўка на Данеччыне пад штодзённымі ракетнымі абстрэламі, актывізацыя баявых дзеянняў у Дэмакратычнай Рэспублікі Конга, новыя лясныя пажары ў Каліфорніі, інагурацыя Дональда Трампа ў якасці 47-ага прэзідэнта Злучаных Штатаў – сабралі галоўныя здымкі тыдня.
Абраны прэзідэнт Доналд Трамп рыхтуецца да 60-й інаўгурацыі прэзідэнта ў ратондзе Капітолію ЗША ў Вашынгтоне, ЗША. 20 студзеня 2025 года. Фота: Kenny Holston / The New York Times / AP / East News
Жанчына чакае навінаў ад памежнай службы для легальнага ўезду ў ЗША ў рамках праграмы CBP One па гуманітарнаму паролю. Дональд Трамп у якасці новага прэзідэнта ЗША абвясціў надзвычайнае становішча на паўднёвай мяжы ЗША і загадаў вайскоўцам «закрыць межы» праз паток наркотыкаў, кантрабанду людзей і злачынствы, звязаныя з перасячэннем мяжы. Тыхуана (Tijuana), штат Ніжняя Каліфорнія, Мексіка. 20 студзеня 2025 года. Фота: Guillermo Arias / AFP / East News
Мужчыны разам са сваімі вярблюдамі чакаюць удзелу ў гонках на вярблюдах прыкладна ў 40 кіламетрах на захад ад Дохі, Катар. 22 студзеня 2025 года. Фота: Karim Jaafar / AFP / East News
Мотатаксі вязуць праўрадавых апалчэнцаў да ўезду ў горад Саке, за 25 км на паўночны захад ад Гомы. Актывізацыя баявых дзеянняў на ўсходзе Дэмакратычнай Рэспублікі Конга з удзелам недзяржаўнай узброенай групоўкі «M23» прывяла да вымушанага перасялення насельніцтва. Прэс-сакратар Упраўлення ААН па правах чалавека адзначыла, што канфлікт у ДРК адрозніваецца высокім узроўнем сэксуальнага гвалту. Сака, ДРК. 23 студзеня 2025 года. Фота: Michael Lunanga / AFP / East News
Прыхільнікі прэзідэнта Паўднёвай Карэі Юн Сук Ёля ўдзельнічаюць у мітынгу каля Канстытуцыйнага суда. Упраўленне па расследаванні карупцыі сярод высокапастаўленых чыноўнікаў (CIO), перадало справу ў пракуратуру і папрасіла вылучыць Юн Сук Ёлю абвінавачанні ў мецяжы і злоўжыванні ўладай пасля ўвядзення ваеннага ставішча ў краіне. Сеул, Паўднёвая Карэя. 23 студзеня 2025 года. Фота: Anthony Wallace / AFP / East News
Палестынцы вяртаюцца дадому пасля пагаднення аб спыненні агню днём раней паміж Ізраілем і палестынскай групоўкай «Хамас». У рамках першай фазы перамір'я ў Ізраіль вярнуцца 33 з 98 заложнікаў, якія ўсё яшчэ знаходзяцца ў сектары Газа. У першы дзень «Хамас» вызваліў трох жанчын: Ромі Ганен, Эмілі Дамары і Дорон Штэйнбрэхер. Рафах, сектар Газа. 20 студзеня 2025 года. Фота: Bashar Taleb / AFP / East News
Бацька нясе цела сваёй паўтарагадовай дачкі, якая загінула ў выніку апоўзня, выкліканага моцнымі дажджамі. Сотні ратавальнікаў шукалі скрозь густы бруд і смецце ахвяраў апоўзня, які забіў па меншай меры 25 чалавек. Касімпар (Kasimpar), Цэнтральная Ява, Інданезія. 22 студзеня 2025 года. Фота: Devi Rahman / AFP / East News
Пажарны Джошуа Кэры (Joshua Cari) змагаецца з лясным агнём каля адасобленай мясцовасці Бонсал (Bonsall), штат Каліфорнія, ЗША. 21 студзеня 2025 года. Фота: Noah Berger / AP Photo / East News
У сераду, 22 студзеня, у 80 кіламетрах ад Лос-Анджэлеса ўспыхнуў новы лясны пажар «Х'юз», які імкліва распаўсюдзіўся на тэрыторыі плошчай больш за 38 квадратных кіламетраў. Больш за 30 тысяч чалавек атрымалі распараджэнне аб абавязковай эвакуацыі.
