Глабальны збой 24 студзеня прывёў да праблемаў з сэрвісамі, дзе неабходнае СМС-пацверджанне.
«Інфармуем, што з 13:48 да 16:05 назіраўся збой на баку вышэйшага аператара, што прывяло да парушэння міжаператарскага СМС-абмену», – напісаў «Сбер Банк» (Беларусь) на сваёй старонцы.
Праз гэтыя праблемы, паводле «Каталог Onliner», былі цяжкасці з валідацыяй нумароў і любымі сэрвісамі, у якіх неабходна пацверджанне.
Нагадаем, у Беларусі ў 2020 годзе былі маштабныя адключэнні інтэрнэту ў дзень выбараў і наступныя тры дні, а таксама былі цяжкасці з доступам да YouTube і агулам да інтэрнэту ў ноч з 31 снежня 2024 года на 1 студзеня 2025 года падчас навагодняга звароту Святланы Ціханоўскай. На думку праваабаронцаў, інтэрнэт у Беларусі цалкам можа быць адключаны ці абмежаваны і падчас прэзідэнцкіх выбараў, якія адбудуцца ўжо 26 студзеня. Апошнімі тыднямі, як адзначаюць эксперты, у Беларусі ўжо назіраюцца збоі, падобныя да таго, што было ў чэрвені 2020 года, і гэта можна разглядаць як рыхтаванне да адключэнняў.
Ці звязаныя з выбарамі праблемы з СМС-абменам, пакуль невядома.
Тэса Анэйда belsat.eu
