Лідарка дэмакратычных сілаў Беларусі павіншавала Доналда Трампа з уступленнем на пасаду прэзідэнта ЗША.
«Мы верым, што Злучаныя Штаты будуць працягваць адстойваць справу свабоды, працуючы з саюзнікамі над тым, каб узмацніць галасы тых, хто імкнецца да чалавечай годнасці, і прыцягнуць да адказнасці тых, хто душыць гэтыя імкненні, – выказалася Святлана Ціханоўская ў сваім віншаванні. – Беларускі народ – саюзнік Злучаных Штатаў, аб'яднаны агульнымі каштоўнасцямі і агульным бачаннем больш свабоднага, бяспечнага і квітучага свету».
Нагадаем: 20 студзеня ў Вашынгтоне адбылася інаўгурацыя 47-га прэзідэнта ЗША Доналда Трампа. Звычайна цырымонія праходзіць на прыступках Капітолію, аднак гэтым разам праз мароз імпрэзу правялі ў будынку, у ратондзе, дзе Трамп і ягоны віцэ-прэзідэнт Джэй Ды Вэнс прынеслі прысягу. Доналд Трамп стаўся найстарэйшым прэзідэнтам ЗША: цяпер, на момант інаўгурацыі, яму 78 гадоў.
Надзея Вольная belsat.eu
