Для вызначэння ўзроўню дабрабыту людзей медыянны заробак куды больш паказальны, чым сярэдні налічаны. І медыянны заробак для беларусаў павялічыўся.
Паводле інфармацыі Белстату, медыянны заробак у лістападзе 2024 года склаў 1792,2 рубля, тады як у лістападзе 2023 года – 1499,5 рубля. Гэта значыць, большасць беларусаў у лістападзе 2024 года атрымлівала 1792,2 рубля да выліку 14 % падаткаў. А за год медыянны заробак падрос на 292,7 рубля, ці амаль на 20 %.
Самы высокі медыянны заробак – у горназдабыўной прамысловасці (4351,8 рубля). Далей ідуць сферы інфармацыі і сувязі (3472,3 рубля) і паветранага транспарту (3677,7 рубля).
Медыянны заробак – гэта паказнік, які дзеліць лічбы заробкаў на дзве роўныя часткі і дэманструе, які заробак атрымлівае большасць беларусаў. Таму для вызначэння ўзроўню дабрабыту людзей ён куды больш паказальны, чым сярэдні налічаны заробак. Напрыклад, сярэдні заробак да выплаты падаткаў у лістападзе 2024 года быў значна вышэйшы – 2331,8 рубля.
Медыянны заробак працаўнікоў паводле відаў эканамічнай дзейнасці падлічваецца ў Беларусі двойчы на год: у траўні і лістападзе. Вынікі публікуюць праз два месяцы.
Тэса Анэйда belsat.eu
