Каталіцкі святар Генрых Акалатовіч, засуджаны на 11 гадоў калоніі за «здраду дзяржаве», у добрым настроі, на прысуд адрэагаваў спакойна і просіць аб малітве, піша Katolik.Life.
Ксёндз не прызнае віны, не згодны з прысудам і мае намер абскарджваць яго, на што можа пайсці некалькі месяцаў. Таксама святар згодны напісаць прашэнне аб памілаванні, калі яму прапануюць.
,,«Ён не зламаны, трымаўся добра, захоўваў бадзёрасць духу і нават жартаваў над сваім прысудам – параўноўваў яго з тым, якія выносілі пры камуністычным рэжыме», – піша каталіцкае выданне.
Генрыху Акалатовічу 64 гады, ён мае цяжкія хваробы. За кратамі ён застаецца ўжо больш за год. Кажа, што спадзяецца толькі на Бога, давярае Яму сваё жыццё і просіць аб малітве.
Марыя Міхалевіч belsat.eu
