З пачатку 2025 года ў нашай краіне ад вонкавых прычынаў загінулі 10 дзяцей, паведаміла Генеральная пракуратура Беларусі.
Паводле пракуратуры, у шэрагу выпадкаў прычынай трагедыяў сталі «абыякавасць і неабачлівасць дарослых, невыкананне імі элементарных правілаў бяспекі, адсутнасць належнага бацькоўскага кантролю».
Трое дзяцей загінулі ў ДТЗ, з іх адзін быў пасажырам, двое – пешаходамі. У Віцебску і Менску былі здзейсненыя наезды на хлопчыкаў 8 і 9 гадоў, якія пераходзіла праезную частку па пешаходным пераходзе, – яны загінулі ад атрыманых цялесных пашкоджанняў.
У Лідскім раёне пры неасцярожным абыходжанні з паляўнічай стрэльбай дзядуля стрэліў у малалетняга ўнука – дзіця ад ранення памерла.
У Магілёве дзіця 2023 года нараджэння засталося без догляду дарослых, якія былі ў іншым пакоі, у выніку чаго выпала з акна пятага паверха і ад атрыманых траўмаў памерла.
У Менску 16-гадовы падлетак на тэрыторыі закінутага заводу адкрыў трансфарматарную скрыню і атрымаў смяротны ўдар токам.
Марыя Міхалевіч belsat.eu
