Кіраўнік Венесуэлы Нікаляс Мадура прапанаваў уварвацца ў Пуэрта-Рыка і вызваліць гэтую краіну ад Злучаных Штатаў Амерыкі з дапамогаю бразільскіх войскаў.
Гэтак кіраўнік Венесуэлы заявіў падчас Міжнароднага антыфашысцкага фестывалю ў Паўднёвай Амерыцы, які адбыўся ў Венесуэле.
Падчас выступу Мадура папрасіў людзей, якія трымалі сцягі Пуэрта-Рыка і Кубы, выйсці на сцэну.
,,«Гэтак жа, як у Поўначы [ЗША. – Заўв. рэд. «Белсату»] ёсць план каланізацыі, у нас ёсць план вызвалення, які завяшчаў нам Сімон Балівар. Незалежнасць Пуэрта-Рыка ўсё яшчэ чакаецца, і мы дасягнем яе, з сіламі Бразіліі і Абрэў-і-Лімы [муніцыпалітэт у Бразіліі. – Заўв. рэд. «Белсату»]. Менавіта батальён Абрэў-і-Лімы возьме на сябе вызваленне Пуэрта-Рыка. Як вы на гэта гледзіце?» – заявіў кіраўнік Венесуэлы.
На той жа імпрэзе Мадура папярэдзіў, што ў выпадку пагрозы ягонаму ўраду ён гатовы звярнуцца да зброі: «Венесуэла рыхтуецца разам з Кубаю, Нікарагуа і нашымі старэйшымі братамі па ўсім свеце, калі спатрэбіцца, узяць у рукі зброю дзеля абароны права на мір, суверэнітэт і гістарычныя правы нашай радзімы».
Нагадаем, што 28 ліпеня 2024 года адбыліся выбары, падчас якіх Нікаляс Мадура балатаваўся на трэці тэрмін. Выбарчы орган заявіў у ноч выбараў, што Мадура набраў каля 51 % галасоў. Апазіцыя ж заявіла, што ўпэўненую перамогу свайго кандыдата Гансалеса, які набраў прынамсі 67 %.
Пасля гэтага ў краіне пачаліся масавыя пратэсты, якія сутыкнуліся з не менш масавымі рэпрэсіямі. Паводле Арганізацыі Аб’яднаных Нацыяў, з моманту выбараў на антыўрадавых дэманстрацыях загінулі не менш за 23 пратэстоўцы і каля 2400 былі арыштаваныя. Мадура называе дэманстрантаў экстрэмістамі і фашыстамі. Вярхоўны Суд Венесуэлы 22 жніўня ратыфікаваў перамогу Нікаляса Мадура.
Вынікі выбараў у Венесуэле не прызнаў шматлікія краіны свету, у тым ліку Еўразвяз, ЗША, Чылі, Аргентына, Перу.
Пуэрта-Рыка ‒ неінкарпараваная тэрыторыя Злучаных Штатаў Амерыкі. Гэта значыць, што яна пад суверэнітэтам ЗША, але не ёсць штатам і не мае поўнага палітычнага прадстаўніцтва ў федэральным урадзе.
Нагадаем, што віцэ-прэм’ер Беларусі Віктар Каранкевіч прысутнічаў на інаўгурацыі Нікаляса Мадура 10 студзеня. Падчас чаго стала вядома, што кіраўнік Венесуэлы збіраецца наведаць нашую краіну ў 2025 годзе.
Раман Шавель belsat.eu
