Стала вядома, у колькі ў Беларусі абыходзіцца кожны выезд хуткай дапамогі да пацыента.
Паводле звестак за 2024 год, у сярэднім суму ацэньваюць на Br 164, а прыём у паліклініцы – Br 52, адзначаюць у Міністэрстве аховы здароўя.
Калі пацыенту неабходная шпіталізацыя, у тэрапеўтычным аддзяленні кошт аднаго дня складае Br 164, у хірургічным – Br 191, у рэанімацыі – Br 1202.
Для прыкладу, стандартны выпадак апендыцыту – выклік хуткай дапамогі, пяць дзён у хірургічным стацыянары і візіт у паліклініку для закрыцця бальнічнага – абыходзіцца бюджэту ў сярэднім у Br 1171. Пры гэтым магчымыя ўскладненні ці перабыванне ў рэанімацыі ў гэтую суму не ўваходзяць.
У Беларусі медыцына лічыцца бясплатнай, у той жа час шмат якія эксперты гавораць, што практыка выклікаў доктара на дом і хуткай патрабуе ў Беларусі перагляду, бо яна не заўсёды эфектыўная.
Раман Шавель belsat.eu
