76-гадовы бізнесмен Сямён Добкін, які быў у зняволенні, раптам вярнуўся на працу ў берасцейскую кампанію ГСКБ, паведамляе «Наша Ніва». Добкін быў арыштаваны ў снежні 2023 года і асуджаны на 6,5 гадоў зняволення.
«Наша Ніва» сцвярджае, што кіраўнік ГСКБ Сямён Добкін выйшаў на волю прыкладна праз год зняволення.
Сямён Добкін – брат заснавальніка EPAM Аркадзя Добкіна.
Сямёна Добкіна судзілі восенню 2024 года нібыта за атрыманне хабару. Сутнасць абвінавачвання, абставіны справы невядомыя і ўмовы датэрміновага вызвалення невядомыя.
Як і брат, Сямён Добкін здолеў стварыць паспяховы бізнес. На сайце кампаніі ГСКБ гаворыцца, што фірма – «найбуйнейшы пастаўшчык цеплатэхнічнага абсталявання і паслуг для жыллёва-камунальных гаспадарак, будаўнічых арганізацый, а таксама іншых суб'ектаў сацыяльнага прызначэння ў Рэспубліцы Беларусь, Расіі і краінах СНД».
Аркадзь Добкін жыве ў ЗША і не быў у Беларусі пасля таго, як у 2021 годзе Аляксандр Лукашэнка абвінаваціў яго ў фінансаванні пратэстаў.
Арсен Рудэнка belsat.eu
