Над вайсковай часткай у Горадні пралятаў беспілотнік, які спрабавалі збіць, але беспаспяхова, распавядае «BYPOL» са спасылкай на свае крыніцы.
Паводле крыніц «BYPOL», гэта адбылося 9 – 10 студзеня ў Горадзенскім гарнізоне.
«Над тэрыторыяй 6 асобнай гвардзейскай механізаванай брыгады, размешчанай у раёне Фолюш у Горадні, праляцеў беспілотны лятальны апарат, па якім быў адкрыты агонь са стралковай зброі. Беспілотнік збіць не ўдалося.
Застаецца загадкай, каму ён належаў і з якой мэтай пралятаў над вайсковай часткай», – піша «BYPOL».
З лета 2024 года палёты дронаў над Беларуссю сталі рэгулярнымі. Звычайна гэта дроны, якімі Расея атакуе Украіну і якія, верагодна, збіліся з курсу. Адпаведна, назіраюцца яны часцей за ўсё ў Гомельскай вобласці – бліжэй да Украіны.
Арсен Рудэнка belsat.eu
