Суд пакараў еўрапейскага дыпламата 4 гадамі турэмнага зняволення, што выклікала асуджэнне з боку Службы вонкавых дзеянняў Еўрапейскага Звязу.
Мікалай Хіла, баптысцкі прапаведнік і мясцовы супрацоўнік місіі ЕЗ у Менску, быў затрыманы 24 красавіка 2024 года. Паводле ананімнага чыноўніка Еўразвязу, яго затрымалі працаўнікі КДБ перад офісам дэлегацыі ЕЗ. Беларускі суд прызначыў яму 4 гады зняволення, перадае «Politico».
«Мы працягваем заклікаць да неадкладнага і безумоўнага вызвалення Мікалая Хілы», – заявіла прадстаўніца ЕЗ у замежных справах і палітыцы бяспекі Аніта Гіпэр.
Хілу вінавацілі ў распальванні варожасці (арт. 130 КК) і нанясенні шкоды нацыянальнай бяспецы (ч. 3 арт. 361 КК).
Раней Гіпэр ужо заклікала «ўлады Беларусі вызваліць яго неадкладна», адзначыўшы, што гэтае пытанне ўздымалася «пры ўсіх нашых кантактах з Беларуссю».
Якуб Хруст belsat.eu
