9 снежня абраная прэзідэнтка Беларусі Святлана Ціханоўская падчас свайго візіту ў Польшчу сустрэлася з прэзідэнтам краіны Анджэем Дудам.
Штогадовая сустрэча прэзідэнтаў прайшла ў Бэльвэдэрскім палацы ў Варшаве разам з традыцыйным калядным прыёмам для беларускай супольнасці Варшавы.
Святлана Ціханоўская падчас свайго візіту таксама сустрэлася з прэм'ерам Польшчы Дональдам Тускам, міністрам замежных справаў Радославам Сікорскім і іншымі польскімі палітыкамі.
«Мы абмяркоўвалі і практычную падтрымку для Беларусі, напрыклад, прэм’ер-міністр Туск запэўніў мяне, што міграцыйныя абмежаванні не закрануць беларусаў, якія ўцякаюць ад рэпрэсіяў, – сказала 9 студзеня Ціханоўская. – Мы павінны падтрымліваць мабільнасць беларусаў, таксама стыпендыі і абмены. Таксама я прасіла аб выдачы большай колькасці візаў беларусам, каб захоўваць сувязь беларусаў з Еўропай».
Апрача таго, яна нагадала пра санкцыі, каб прыцягнуць Лукашэнку да адказнасці за злачынствы ў Беларусі і ўдзел у агрэсіі Расеі супраць Украіны.
«І, канешне, на кожнай сустрэчы з кожным палітыкам мы абмяркоўваем тэму вызвалення палітвязняў. Гэта наш прыярытэт, людзі павінны быць на свабодзе», – адзначыла Ціханоўская.
Тэса Анэйда belsat.eu
