Як сведчыць польскі ZUS, у Польшчы легальна працуюць 1,2 мільёна замежнікаў. Украінцы і беларусы – самая шматлікая група.
Усяго ў ZUS зарэгістраваныя 1 191 000 замежнікаў, больш за 135 тысячаў з іх – беларусы, прыводзіць звесткі «Gazeta Wyborcza» са спасылкаю на Установу сацыяльнага страхавання (Zakład Ubezpieczeń Społecznych, ZUS).
Украінцаў у Польшчы прыкладна ў 8 разоў больш, чымся беларусаў. І за апошні год украінцаў стала яшчэ больш. Напрыклад, у сярэдзіне снежня 2024 года іх было 987,8 тысячы, а цяпер – больш за мільён (плюс 32,9 тысячы).
Трэцяя паводле колькасці група замежнікаў – грузіны. Іх амаль 26,9 тысячы па ўсёй краіне.
Але насамрэч замежнікаў у Польшчы значна больш: названая колькасць датычыць толькі асобаў, ахопленых сістэмаю сацыяльнага страхавання.
Тэса Анэйда belsat.eu
