Пра гэта заявіў кіраўнік украінскага Цэнтру супрацьдзеяння дэзынфармацыі Андрэй Каваленка.
Андрэй Каваленка пракаментаваў інфармацыю ў тэлеграм-канале «Беларускі Гаюн», быццам Беларусь нарасціла вайсковую прысутнасць у памежных з Украінаю раёнах.
Андрэй Каваленка адзначыў, што інфармацыя пра нарошчванне войскаў у Беларусі не значыць, што на яе тэрыторыі ствараюцца ўдарныя групоўкі і вядзецца рыхтаванне да наступальных дзеянняў.
Сёння маніторынгавы рэсурс «Беларускі Гаюн» паведаміў, што Беларусь нарасціла вайсковую прысутнасць ва ўкраінскім памежжы.
«Падраздзяленні сухаземных войскаў УС РБ былі перакінутыя ў Столінскі, Лельчыцкі, Мазырскі і Гомельскі раёны», – адзначалася ў паведамленні.
Таксама аўтары тэлеграм-каналу паведамілі, што ў канцы снежня 2024 года ў Беларусь з Расеі прылятаў вайскова-транспартавы самалёт Іл-76 ВКС РФ.
Раман Шавель belsat.eu
