Больш за ўсё «шагэдаў» трапіла ў паветраную прастору Беларусі ў лістападзе і снежні.
За снежань – не менш за 145 расійскіх дронаў-камікадзэ «Шагэд». З іх 36 вярнуліся ва Украіну і Расею, а 109 зніклі, піша «Беларускі Гаюн».
Агулам за 2024 год «Беларускі Гаюн» зафіксаваў 395 парушэнняў паветранай прасторы Беларусі дронамі з Украіны і Расеі, сярод іх – 5 выведніцкіх дронаў.
За год пацверджана 10 выпадкаў збіцця або падзення шагэдаў у Беларусі і Латвіі, а таксама адзін выпадак разбурэння будынку ў выніку падзення БПЛА.
Канчатковыя звесткі за 2024 год з размеркаваннем на месяцы выглядаюць так:
ліпень – 9 штук,
жнівень – 12,
верасень – 29,
кастрычнік – 49,
лістапад – 151,
снежань – 145.
З 395 БПЛА за 2024 год 196 вярнулася ва Украіну і Расею, 189 знікла, 10 было збіта або ўпала ў Беларусі і Латвіі. Пакуль няма падставаў меркаваць, што залёты расійскіх шагэдаў у Беларусь найбліжэйшым часам спыняцца.
Тэса Анэйда
