З 31 снежня 2024-га да 8 студзеня 2025 года асабісты склад органаў унутраных справаў і ўнутраных войскаў у нашай краіне пераводзяць на ўзмоцнены варыянт нясення службы, паведамляе МУС.
Ува ўсіх месцах правядзення масавых імпрэзаў, якія папярэдне агледзяць сапёры, будуць дзяжурыць супрацоўнікі міліцыі.
Традыцыйна перад уваходам на святочныя пляцоўкі будуць арганізаваныя пункты пропуску і агляд наведнікаў. Перад КПП будуць размешчаныя стэнды з пералікам забароненых да праносу прадметаў.
Шчыльнасць міліцэйскіх нарадаў на вуліцах павялічыцца, кантраляваць абстаноўку будуць таксама з выкарыстаннем сістэмаў відэанізарання.
У асобных месцах правядзення масавых захадаў магчымыя абмежаванні руху транспарту ці змяненні маршрутаў.
Марыя Міхалевіч belsat.eu
