У навагоднюю ноч, як і летась, у Беларусі магчымае блакаванне YouTube. Каб нікому не даць сапсаваць вам свята, мы падрыхтавалі альтэрнатыўныя пляцоўкі трансляцыі.
Live-трансляцыя на нашай старонцы
Акенца, якое вы бачыце на самым версе гэтай навіны, – гэта нашая бесперапынная live-трансляцыя. Яна будзе працаваць і ў навагодні вечар. Каб яна не згубілася ў галоўнай навіне 31 снежня, гэтая трансляцыя будзе таксама зверху. Калі пачнуць блакаваць YouTube, проста ўключайце трансляцыю ў нашым плэеры.
Live-трансляцыя на «TVP VOD»
На польскім стрымінгавым сэрвісе «TVP VOD» таксама ідзе трансляцыя эфіру «Белсату». Каб глядзець яе праз гэты сэрвіс без перашкодаў, вам спатрэбіцца VPN (праз Польшчу) і крыху цярплівасці, каб прагледзець невялічкі рэкламны блок. Пераходзьце праз спасылку, шукайце «Белсат» і атрымлівайце асалоду ад навагодняга эфіру.
Live-трансляцыя ў сацыяльных сетках
Запасныя трансляцыі рыхтуюцца і ў некаторых нашых сацыяльных сетках.
Сустрэнем Новы год разам, нягледзячы ні на што!
