У Расеі затрыманы ўладальнік турфірмы «Мен Тревел» Андрэй Котаў, якога арыштавалі паводле справы аб арганізацыі падарожжаў для геяў, знойдзены мёртвым у камеры маскоўскага СІЗА «Воднік».
Як паведамляе «ОВД-Инфо», мужчына пакончыў з сабою ў камеры прыкладна а чацвёртай гадзіне раніцы.
Пра затрыманне Андрэя Котава сталася вядома 30 лістапада. Ён заяўляў, што яго затрымлівалі 15 сілавікоў, якія яго «збілі, наносілі ўдары па твары, па нагах, засталіся сінякі», ужылі электрашокер. 2 снежня суд Галавінскага раённага суда Масквы арыштаваў Котава, бо той арганізоўваў «падарожжы для ўдзельнікаў ЛГБТ-супольнасці». Сам Котаў казаў, што паездкі былі выключна турыстычнымі.
Амаль адразу пасля арышту мужчыну змясцілі ў карцар на 15 содняў. Паводле ягонай сяброўкі, яму не дазволілі перадаць лекі і цёплую вопратку.
Год таму Вярхоўны суд РФ абвясціў «міжнародны грамадскі рух ЛГБТ» экстрэмісцкай арганізацыяй і забараніў яго дзейнасць у Расеі. У 2024 годзе супольнасць ЛГБТК+ апынулася пад прыцэлам уладаў і ў Беларусі.
Якуб Хруст belsat.eu
