На борце самалёта азербайджанскай авіякампаніі «Azerbaijan Airlines», які разбіўся ў Казахстане 25 снежня, беларусаў не было, паведамляе МЗС Беларусі.
«Паводле ўдакладненай на цяперашні момант інфармацыі, грамадзянаў Беларусі на борце самалёта “Azerbaijan Airlines”, што пацярпеў катастрофу ў Казахстане, не было», – піша Міністэрства замежных справаў.
Самалёт «Azerbaijan Airlines» ляцеў з Баку ў Грозны. На борце было 67 пасажыраў і пяць прадстаўнікоў экіпажу. МНС Казахстану, паводле папярэдніх звестак, паведамляе пра 29 ацалелых (раней казалі пра 25). З іх двое дзяцей былі дастаўленыя ў шпіталь.
У сувязі з катастрофай прэзідэнт Азербайджану Ільхам Аліеў адмовіўся ад ўдзелу ў нефармальным саміце СНД 25 снежня.
Арсен Рудэнка belsat.eu
