Дзяржаўны дэпартамент ЗША пераглядзеў рэкамендацыі наконт паездак у Беларусь і пацвердзіў чацвёрты ўзровень рызыкі, што азначае «не наведваць».
Амерыканскім грамадзянам рэкамендавана ўстрымацца ад паездак у Беларусь праз адвольнае прымяненне законаў беларускімі ўладамі, рызыкі затрымання, патэнцыйныя магчымасці масавых пратэстаў, садзейнічанне Беларусі Расеі ў вайне супраць Украіны, абмежаваныя магчымасці амбасады ЗША надаваць дапамогу амерыканскім грамадзянам у краіне.
Грамадзяне ЗША, якія маюць патрэбу ў консульскай дапамозе, мусяць пакінуць Беларусь і звярнуцца ў амерыканскую амбасаду або консульства ў іншай краіне.
Нагадаем, яшчэ 28 лютага 2022 года Дзярждэпартамент распарадзіўся аб эвакуацыі працаўнікоў ураду ЗША і прыпыненні працы амбасады ЗША ў Менску.
Усе консульскія паслугі, у тым ліку экстраныя, спыненыя да далейшых апавяшчэнняў.
Надзея Вольная belsat.eu
